權威雜誌帶路 遊澳洲 50 大必試餐廳!

2019,09,19

澳洲出名多大自然靚景,由上天至下海都是風景如畫,另外又有豐富歷史文化,但同時又不乏都會時尚元素;大家又知道,澳洲是個多元種族城市,所以各地美食都是應有盡有!最近澳洲兩大權威美食雜誌《Gourmet Traveller》澳洲美食旅客及《Good Food Guide》分別公佈了 50 大餐廳及 20 大必去酒吧,有無即將去澳洲嘅朋友仔?有的就準備好,即刻筆記喇!

《Gourmet Traveller》每年都會公佈澳洲必去 50 大餐廳,大家可能會問,審核係用甚麼準則去點評並整理出呢個名單?其實《Gourmet Traveller》審審團隊對製作呢個名單係十分用心,團隊用 3-4 個月嘅時間,親自走訪每家餐廳,再用心體驗整個用餐過程,最後再遂一整理資料將評審結果公佈給各位讀者架~

想知邊間一定要試,即睇!(可按此看完整排名)由於餐廳數目太多,小編就為大家整理 10 大排行榜,其他的就留待大家去自已探索了~

第一位: Attica (維多利亞省墨爾本)

由大廚 Ben Shewry 統領嘅 Attica,成為澳洲50最佳餐廳嘅首位。Attica 這家餐廳其實之前已獲獎無數,不單只係墨爾本 Good Food Guide 三帽餐廳,並已連續多年名列全球最佳 50 間餐廳之一。餐廳採用澳洲本土食材,烹飪手法精益求精,一絲不苟。大家去到墨爾本,一定要去試試!但注意請提早起碼兩個月訂了~ 

這個薯仔「A simple dish of Potato cooked in the earth it was grown」就是他們其中一個最出名菜式


第二位:Momofuku Seiobo (新南威爾斯悉尼)

Momofuku Seiobo 係 Momofuku 集團同美籍韓裔名廚 David Chang 在悉尼開設嘅餐廳。David Chang 在紐約已是享負盛名,取得過米芝蓮其林兩星評價,他以創新手法處理食材,食物以魚生、壽司與創意東方味道為主~ 

大家去到,當然要試試大廚的成名作--豬肉包

第三位:Quay (新南威爾斯悉尼)

Quay 位置滿分,就在悉尼幾乎每位遊客都必去的 The Rocks 碼頭上,餐廳在今次評選擠身三大位置,同時也曾被英國 Restaurant 雜誌評選為全球 50 大餐廳之一。

去到Quay,當然必試餐廳最出名嘅甜點 --Snow Egg ,這道菜,就係大廚 Peter Gilmore 在節目 MasterChef 中嘅參賽作品!Snow Egg 以蛋白、雪糕、薄脆及冰沙等做成的甜點,大家一定要試呀。

第四位:Orana (南澳阿德萊德)

Orana 在一些原住民方言中意為「歡迎」,意即餐廳想為客人帶來最有澳洲風味嘅飲食體驗,餐廳會提供最地道的澳洲美食,並採用澳洲本地的食材,提高民眾對它們的認識。

餐廳東主兼主廚 Jock Zonfrillo 花咗多年時間,研製多款玩味菜式,菜式混合了綠芒果、土產蜂蜜、綠螞蟻,也有袋鼠肉伴以野蒜同青草等等~鐘意嚐新嘅朋友,一定唔可以錯過。

第五位:Brae (維多利亞省墨爾本)

Brae 係繼榜首 Attica 後第二間打入世界五十最佳餐廳的澳洲餐廳,主廚 Dan Hunter 以「農夫主廚」聞名,把餐廳開在距墨爾本約1.5 小時車程外嘅鄉間森林內,就是為打造自家農園,建立土地、食材與人情嘅緊密連結~

嚟到Brae ,一定要試佢地嘅招牌菜之一-- Iced Oyster。細細密密的奶油加上海藻乾粉包住生蠔,感受柔滑口感,極鮮美。

第六位: Cutler & Co (維多利亞省墨爾本)

Cutler & Co 係墨爾本飲食界星級名廚 Andrew McConnell 嘅旗艦店,因為餐廳太靚,成為了墨爾本網紅打卡熱點。

餐廳以海鮮作主打,海鮮拼盤及生蠔新鮮供應,另外鮑魚豬排三明治也是必食架! 

第七位:Laura (維多利亞省墨爾本)

餐廳以Pt. Leo Estate 中由 Jaume Plensa 創作嘅著名雕塑命名,距離墨爾本大概1小時路程。餐廳入面嘅套餐主題都係圍繞住有關摩寧頓半島(Mornington Peninsula )嘅故事。客人可以選擇四道、五道或六道菜嘅套餐,有興趣嘅,可以去睇睇詳情~

第八位:Dinner By Heston Blumenthal (維多利亞省墨爾本)

這家由英國倫敦的廚界名人 Heston Blumenthal 創立的餐廳,係繼倫敦佢嘅首間餐廳 Fat Duck 同之後創立嘅 Dinner by Heston,第一間海外餐廳,餐廳位置喺 Yarra River 皇冠賭場內,大家一邊享用美食之餘,仲可以欣賞優美河景~

餐廳呢個經典菜色-- Meat Fruit,係用橘子啫喱做外皮,包住雞肝醬,做成一顆橘子狀嘅前菜 

第九位:Bentley Restaurant & Bar (新南威爾斯 悉尼)

由名廚 Brent Savage 同著名侍酒師 Nick Hildebrandt 創立嘅餐飲王國其中一間食肆,另外,集團另一代表作就是以海鮮及靚景為主打的 Cirrus,Bentley Restaurant & Bar 有 2 Hats 指標,仲係雪梨百大餐廳,餐廳裝飾時尚摩登,主打新穎澳式創意料理~


第十位:Magill Estate Restaurant (南澳)

這家位於知名紅酒品牌奔富 (Penfolds) 酒莊內嘅餐廳,大家除了試試知名紅酒,當然也要試一下佢地嘅美食。餐廳設於一個玻璃屋入面,大家可以遠眺早期葡萄園同原本嘅奔富小屋,環境舒適,可以一邊跟朋友摸酒杯底,一邊享用美食。

嚟到呢度,必試招牌 ,再配埋 Penfolds 嘅旗艦 Shiraz 紅酒就完美喇。

睇完呢 10 間餐廳介紹,小編都已經好想即刻飛去試喇,同埋大家睇完 10 大餐廳排名,有沒有發現 10 家必去餐廳中,有一半都是在墨爾本?各位食饕們,下次到澳洲,你識選地方了吧?

講完最佳餐廳,下篇就再同大家分享埋必去酒吧!

>>>>  即刻想去澳洲 ? 即按此睇更多澳洲優惠:

 >>>> 想個更多平靚正優惠,立刻訂閱 :https://bit.ly/fbTop20

(以上圖片來源: 互聯網)

相關優惠 更多相關優惠

更多旅遊熱賣及資訊