【暑期限定】 親子澳門遊 食買玩玩樂提案!

2018,08,10

8 月成班學生放暑假,但爸爸媽媽又未有長假陪小朋友,不如近近地同佢地去一轉澳門玩都唔錯, 澳門幾乎每個月都有最新餐廳玩樂浦點,依家氹仔舊城區正在舉辦暑期期間限定家庭假日體驗活動,即睇有咩最新野玩!  

一場來到澳門,當然要食地道葡國菜,當地有好幾家已係港人聽慣聽熟,但是次想介紹一間特別一點嘅地道土生葡菜餐廳-La Famiglia-澳葡之家

必食正宗葡國菜 再試消暑特飲

餐廳於2017年開業,由土生土長葡菜大廚 Florita Alves主理,餐廳裝飾有種好似令人彷如置身地道葡國人之家的感覺!話明是係葡國菜餐廳,當然有多款正宗葡菜供應,除了最大路的薯絲炒馬介休,葡式非洲雞,仲有免治豬肉、肉圍等。

試完正宗菜,炎炎夏日當然就再試其他冰涼小食啦~創意甜品店 Digreen 亦於暑假期間推出夏日消暑特飲「滴果林果果系列」。

另外仲有特色玫瑰海鹽以及芫莤味雪糕,你地又鐘意邊隻味?

仲有呢個燉蛋x雪條x脆筒,感覺都幾衝擊~

 

必到月球打卡位

氹仔舊城區一帶好多澳門特色小店,近期最火紅就係新開業嘅呢間地道澳門文創精品店 O-Moon!佢有一系列特色紀念品,好似明信片、陶瓷杯墊、皮包、文具及配飾等等,真係幾有特色。

全部都係葡式磁磚紋,感覺好似置身葡萄牙一樣

買完野,大家記住仲要去個大月球打卡位狂影相

食完買完,爸爸媽媽又可以帶埋小朋友去看展覽,唔止增長知識,仲可以培養一下小朋友鑑賞力!氹仔舊城區藝術空間會有一個期間限定「澳門炮竹行業 – 廖文暢新作展」,展覽會展出澳門著名畫家廖文暢既中國水墨畫系列。畫作主要描繪澳門當時的鞭炮行業,講述行業歷史及生產過程,用輕鬆方法等小朋友認識澳門歷史。

展覽日期:2018 年 7 月 4 日至 10 月 5 日

開放時間:中午 12 時至晚上 8 時(逢星期二休息)

另外,8 月期間,仲有一連串活動工作坊,由不同單位藝術家及手作人舉行,mark 低以下工作坊日子去喇~

1.氣球造型工作坊(合作單位:福氣氣球工作室)

日期:2018 年 8 月 18 日(星期六)

時間:下午 2 時至 4 時/下午 4 時 30 分至 6 時 30 分

 

2.臉部彩繪(合作單位:WiniC Makeup & Styling)

日期:8 月每逢週日

時間:下午 2 時 30 分至 5 時 30 分

 

更多旅遊熱賣及資訊